KLUBI LETRAR “NOSITI” NË DARDANË
SHPALLEN REZULTATET E KONKURSIT LETRAR ANONIM “LULËKUQET E PRILLIT”
Sot, më 29 prill 2023, në Dardanë përfundoi Manifestimi Tradicional ”Lulëkuqet e Prillit”. Ora letrare u mbajt në Bibliotekën e qytetit. Poetët pjesëmarrës lexuan punimet e tyre. Pjesëmarrja ishte e kënaqshme, sepse atë e begatuan me leximin e poezive poetët nga: Kosova Lindore, Maqedonia e Veriut dhe shumë qytete të Kosovës.
Ndërsa, Juria e konkursit letrar-anonim “Lulëkuqet e prillit” 2023 në përbërje: Mehmetali Rexhepi, Sinan Sadiku dhe Muhamet Halili, vendosi të shpërblehen poezitë:
1. Vendi i parë, “Jam femër”, shifra “Minatori 02”
2. Vendi i dytë, “Legjendë qytetëze”, shifra “Vallja statike”
3. Vendi i tretë, “Rrugëtimi i një sizifi modern”, shifra “Pelegrin i vonuar”
Ndërsa, tregimet e shpërblyera janë:
1. Vendi i parë, “Ajo do të vijë nesër”, shifra, “Pa shifër”
2. Vendin e dytë: “Përtej legjendës së Ago Ymerit”, shifra “Ago Ymeri”
3. Vendi i tretë, “Lima kurrë s’u bë nuse”, shifra “Asqeri i humbur ”
Kurse juria në përbërje të: Sulejman Dërmakut, Izet Abdylit dhe Bilall Maliqit, poezinë më të mirë të Orës Letrare e shpallën poezinë ”Lulëkuqet e Prillit “, të autorit Jasmir Morina.
Autorët përmes kopjes së tyre, duhet të dëshmojnë autorësinë e punime te shpërblyera.
Klubi letrar NOSITI
