/2L ONLINE/ – Dega e AKR-së në Gjilan ka filluar zgjedhjet e brendshme për konsolidimin dhe zgjedhjen e kryesisë dhe kryetarët e nëndegëve. Në këtë vazhdë është mbajtur Konventa e katërt e Forumit Rinor të AKR-së. Pas prezantimit të listës së kandidatëve për Kryetar të Forumit Rinor të degës së AKR-së në Gjilan, unanimisht me vota është zgjedhur Aid Berisha.
Ismet Hajdini, koordinator i AKR-së për zgjedhjet në Komunën e Gjilanit tha se ka masovitet në këto zgjedhje të brendshme të AKR-së dhe se këtë e sheh si një frymë të re në radhët e saja,të rinj dhe të reja që nesër do ta marrin barrën e këtij shteti.
Hajdini iu ka uruar punë të mbarë Konventa e katërt e forumit Rinorë të AKR-së, që vazhdoi punimet e saja duke zgjedhur organet e saja udhëheqëse. /2L ONLINE/
