Mbahet konsultimi publik për Draft-Planit Komunal për Riintegrimin e Qëndrushëm të Personave të Riatdhesuar dhe Integrimit të të huajve

Mbahet konsultimi publik për Draft-Planit Komunal për Riintegrimin e Qëndrushëm të Personave të Riatdhesuar dhe Integrimit të të huajve në Komunën e Kamenicës.

Grupi punues për hartimin e Draft-Planit Komunal për Riintegrimin e Qëndrushëm të Personave të Riatdhesuar dhe Integrimit të të huajve në Komunën e Kamenicës, 2026-2028, ka mbajtur konsultimin publik.

Kryesuesi i këtij grupi, Zijadin Thaqi, para të pranishmëve theksoi rëndësin e këtij Plani duke e paraqitur atë në pika të shkurtra.

“Në kuadër të Planit të Veprimit te Strategjisë është paraparë edhe hartimi i Planeve Komunale për Riintegrim të qëndrueshëm. Me qëllim të zbatimit të koordinuar në praktikë të Strategjisë për Migrim 2026 – 2028, Zyra Komunale për Komunitete dhe Kthim (ZKKK) në bashkëpunim me Drejtoritë Komunale si dhe me përfaqësuesit e organizatave vendore e ndërkombëtare, si Grupi Punues, kanë hartuar Planin Komunal për Riintegrim të qëndrueshëm dhe Integrimin e të huajve për Komunën e Kamenices”, ka theksuar ai.

Në draft dokument thuhet se Plani i Veprimit përmban objektivat, aktivitetet konkrete dhe masat për arritjen e objektivave, përcakton institucionet përgjegjëse dhe mbështetëse për arritjen e secilit objektiv, saktëson kornizën kohore për realizimin e secilit aktivitet, koston e përafërt financiare për zhvillimin e aktiviteteve, indikatorët matës të objektivave dhe aktiviteteve dhe mjetet e verifikimit.

“Plani është hartuar në bazë të Strategjisë për Mingrim 2021 – 2025, Rregulloren (QRK) Nr.22/2020 Për Riintegrimin e personave të Riatdhesuar si dhe bazuar në Rregulloren për Integrimin e të Huajve (Rregullore (QRK) Nr. 09/2019 për integrimin e të huajve është miratuar në mbledhjen e 110 te Qeverise së Kosovës, me vendimin nr. 01/110, datë 11.07.2019) dhe Planit të veprimit në nivel shtetëror, në bashkëpunim të ngushtë me MPB/DRPRIH si institucion përgjegjës për ri integrim në nivel nacional, dhe në vete ngërthen strukturën e saj, mirëpo duke pasur parasysh se ka të bëjë me nevojat e personave të riatdhesuar në Komunën e Kamenices përmban edhe aktivitetet specifike për vetë komunën dhe është e bazuar në të dhënat e siguruara nga Zyra Komunale për Komunitete dhe Kthim. Kështu, ne këtë Plan është mundësuar integrimi maksimal i gjitha aktiviteteve për arritjen e ri integrimit të qëndrueshëm të personave të riatdhesuar dhe integrimin e të huajve’në komunën e Kamenices”, theksohet tutje ne dokument. /2LONLINE/