Mbahet dëgjim buxhetor në qytet

Drejtoria për Buxhet dhe Financa në Komunën e Kamenicës ka vazhduar me mbajtjen e dëgjimeve buxhetore edhe me banorët e qytetit.

Të pranishëm në këtë dëgjim buxhetor ishin: drejtorët Ardita Dërmaku dhe Blerim Murina, dhe zyrtarë të tjerë komunal.

Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2027.

Drejtoresha Dërmaku ka prezantuar buxhetin për vitin 2027, si dhe ka specifikuar shumën e ndarë për investime kapitale.

Dëgjimet buxhetore për këtë vit kanë përfunduar, duke takuar banorët e secilit lokalitet dhe grup interesi. /2LONLINE/