Mbahet dëgjim buxhetor në fshatin Topanicë

Drejtoria për Buxhet dhe Financa e komunës së Kamenicës ka filluar mbajtjen e dëgjimeve buxhetore me qytetarë edhe në fshatin Topanicë.

Të pranishëm në këtë dëgjim buxhetor ishin: drejtorët Ardita Dërmaku, Uran Berisha, Blerim Murina, Selami Klaiqi, Edon Dërmaku dhe zyrtarë të tjerë komunal.

Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2027.

Drejtoresha Dërmaku ka prezantuar buxhetin për vitin 2027, si dhe ka specifikuar shumën e ndarë për investime kapitale.

Dëgjimet buxhetore do të vazhdojnë të mbahen edhe në lokalitetet e tjera të Komunës së Kamenicës.  /2LONLINE/