Mbahet dëgjim buxhetor në fshatin Roganë

Drejtoria për Buxhet dhe Financa në Komunën e Kamenicës ka filluar me mbajtjen e dëgjimeve buxhetore duke vazhduar takimet me qytetarë edhe në fshatin Roganë.

Të pranishëm në këtë dëgjim buxhetor ishin: drejtorët Ardita Dërmaku, Uran Berisha, Blerim Murina, Shpend Morina, Zotrim Kastrati, Besart Kryeziu dhe zyrtarë të tjerë komunal.

Këto dëgjime po mbahen për të dëgjuar nga afër kërkesat e qytetarëve, për të hartuar listën e projekteve të cilat do të realizohen në vitin 2027.

Drejtoresha Dërmaku ka prezantuar buxhetin për vitin 2027, si dhe ka specifikuar shumën e ndarë për investime kapitale.

Dëgjimet buxhetore do të vazhdojnë të mbahen edhe në lokalitetet e tjera të Komunës së Kamenicës. /2LONLINE/