Mbahet Akademia Përkujtimore për Metush Krasniqin

/2L ONLINE/ – Nën organizimin e kryetarit të Komunës së Gjilanit, Lutfi Haziri, sot është mbajtur Akademia Përkujtimore kushtuar 29 vjetorit të vdekjes së heroit Metush Krasniqi, i cili ishte nëkrye të organizimit të Lëvizjes Nacional Çlirimtare të Kosovës dhe Viseve tjera Shqiptare.

Me këtë rast në emër të kryetarit të Komunës së Gjilanit, kafolur nënkryetari I Komunës Rexhep Kadriu, i cili ka thënë se vlerat kombëtare dhe prijësi I rezistencës gjithëshqiptare kundër okupatorit serb ishin të organizuara dhe projektuar nga heroi Metush Krasniqi.

Kadriu tha se vlerat kombëtare dhe organizimet ishin të projektuara dhe të prira nga vet Metushi i cili rrjedh nga një familje me traditë dhe e dëshmuar për atdhedashuri. Meqë atdhetari ynë Metush Krasniqi gëzonte një autoritet të madh në mesin e rinisë shkollore dhe universitare, në Kosovë e në Maqedoni, ai kishte formuar një rreth të gjerë shokësh besnik, me të cilët edhe ka vepruar ndër vitesh si me: Hasan Dermaku, Rexhep Mala e Skënder Kastrati, Njazi Korça nga Gëmica, Kadri Zeka nga Poliçka, Ethem e Fehmi Bajrami nga Malisheva e Gjilanit, Rexhep Elmazi e Rafet Bajrami nga Gjilani, Jusuf Gërvalla, Zeqir Gërvallën e Sabri Novosellën në Prishtinë, Shefqet Jasharin e shumë të tjerë.

“Në nëntor të vitit 1958 Metush Krasniqi u burgos dhe u dënua me 18 vjet burg të rëndë prej të cilave i mbanë 8 vjet. Pas daljes nga burgu Metush Krasniqi i kaloi disa vite në fshatin e lindjes në Dajkoc. Ai ishte mësues dhe më vonë edhe drejtor shkolle, por me vendime të njëanshme sësistemit serb ai largohet nga procesi edukativo – arsimor. Krasniqi, ishte një figur frymëzimi për të rinjtë e kësaj kohe, që të vazhdohet edhe më tutje në organizim dhe ngritje kundër sistemit serb, i cili kishte nën shënjestër figurat si Krasniqi”, tha ndër të tjerash nënkryetari Kadriu.

Ishte Nexhat Rexha i cili u paraqit me studim publicistik dhe Blerim Haziri me një studim historik për figurën e Metush Krasniqit.

Ndërsa në emër të familjes Lule Krasniqi, falënderoi Komunën e Gjilanit për organizimin dhe të pranishmit për nderimin që i kanë bërë figurës së Metush Krasniqit me prezencën e tyre. /2L ONLINE/