Mbahen aktivitetet “Unë Rozë”, fushatë ndërgjegjësimi përmes artit, kulturës, lojës dhe punëtorisë krijuese

Po vazhdojnë aktivitetet e ndryshme sensibilizuese për ndërgjegjësimin kundër kancerit të gjirit nga Komuna e Gjilanit, në bashkëpunim me organizatat partnere.

Aktivitetet “Unë, Rozë” organizuar nga Alisa Bekteshi dhe Doruntina Matoshi, janë mbajtur në Bibliotekën “Fan S. Noli” me fushatë ndërgjegjësimi përmes artit, kulturës, lojës, solidaritetit dhe punëtorisë krijuese.

Po ashtu u mbajt edhe paneli rozë-diskutim vetëdijësues mbi vetëkontrollin dhe parandalimin e kancerit të gjirit.

Violeta Veleciku, ndau para pjesëmarrëseve një mesazh mbi shpresën dhe kuptimin e saj.

Ndërsa për historinë e jetës, ka rrëfyer Celeste Yocom, amerikane që jeton ne Prishtinë, e mbijetuar e kancerit të gjirit, mbi atë se ku ajo gjen shpresën.

Më pas u kënduar kënga “Shpresa në ty Zot”? apo historia e kompozimit të këngës nga Arberie Kodrolli.

Derisa eventi u mbyllë me punë dore me rruaza, ngjyrosje e gotave e të tjera.

Aktivitetet e Alisës e Doruntinës vazhdojnë sonte më 22 tetor, në Teatrin e Qytetit,  ku do mbahet ekspozita kolektive “Unë, Rozë” me artistë vendas e ndërkombëtarë.

“Un Rozë” mbyllen me një koncert të veçantë sensibilizues, nga artisti Shpat Deda, përmes të cilit do të përcillet mesazhi i forcës, shpresës dhe bashkë ndjesisë njerëzore, në orën 20:00 në Teatrin e Qytetit. /2LONLINE/