Dyshja e Kombëtares së Shqipërisë, Mërgim Mavraj dhe Taulant Xhaka janë futur në ekipin më të mirë të eliminatorëve të Evropianit 2016. “Goal.com” ka bërë përzgjedhjen e ekipit më të mirë të takimeve të para kualifikuese për EURO 2016, dhe në këtë skuadër janë përfshirë edhe Mavraja e Xhaka.
Shqipëria e ka nisur me fitore aventurën në eliminatorët e Evropianit 2016, duke mundur në udhëtim Portugalinë me rezultat 1-0.
Mavraj e Xhaka kanë shfaqur performancë të shkëlqyer në fitoren e kuqezinjve, madje Taulant Xhaka në duel me portugezët ka debutuar në ekipin shqiptar.