Masat që duhet zbatuar në qendrat tregtare

Ministria e Shëndetësisë sapo ka publikuar udhëzimet që tregojnë se  cilat masa për të parandaluar përhapjen e koronavirusit duhet respektuar në qendrat tregtare.

Përmes një postimi në faqen zyrtare, MSh u bënë thirrje qytetarëve që të mbajnë maska dhe të respektojnë shenjat e distancës, si dhe të evitojnë kontaktet direkte fizike me persona të tjerë.

Pos tjerash gjatë kësaj periudhe, inkurajohen pagesat me kartela bankare.

Dezinfektuesit duhet të jenë të qasshëm lehtë për stafin dhe konsumatorët dhe objekti duhet të dezinfektohet dhe ajroset së paku tri herë gjatë ditës.

Aktiviteti dhe prezenca e personave me shenja të COVID-19 nuk lejohen sipas MSh-së.