Marsh sensibilizues për kancerin e gjirit

QKMF “Dr. Nagip Rexhepi” në Gjilan do të organizojë përmbylljen mujore të aktiviteteve vetëdijesuese me Marshin Sensibilizues, në kuadër të muajit “Rozë” – muajit të ndërgjegjësimit për kancerin e gjirit.

“Ftojmë të gjithë qytetarët e Komunës së Gjilanit, si dhe punëtorët e institucioneve të ndryshme, të na bashkohen në marshin që do të mbahet të enjten, më 30.10.2025, në orën 12:00”, thuhet në njofitmin e QKMF-së.

Nisja do të bëhet nga QKMF-ja dhe do të vazhdohet deri në qendër të qytetit, për të përfunduar në Qendrën e Trajnimit në QKMF, ku do të mbahet një panel diskutimi për kancerin e gjirit.

“Ju presim që së bashku të bëjmë ecjen tonë në qytet dhe të përçojmë mesazhin e ndërgjegjësimit. Diagnostifikimi i hershëm shpëton jetë. Kanceri i gjirit mund të prekë këdo”, thuhet në fund të njofitmin të menaxhmentit të QKMF-së.  /2LONLINE/