Marrin pjesë në seminarin lidhur me Kornizën e përbashkët të Vetë-Vlerësimit

/2L ONLINE/ – Shërbyesit Civile të Komunës së Vitisë, për dy ditë radhazi kanë marrë pjesë në një seminar lidhur me Kornizën e përbashkët të Vetë-Vlerësimit. Modeli i kësaj kornize është krijuar nga ministritë përgjegjëse për administratë publike të shteteve të Bashkimit Evropian, dhe ndër tjerash është i dedikuar për sektorin publik.

Janë mbi 3000 organizata të administratës publike të shteteve të BE-së që përdorin këtë kornizë për të përmirësuar organizatën e tyre. Përndryshe ky seminar është mbajtur në organizimin e Ministrisë për Administratë Publike, Instituti i Kosovës për Administratë Publike në bashkëpunim me GIZ-in Gjerman, ku komuna e Vitisë ka qenë në mesin e 20 komunave të Kosovës për tu mbajtur seminari në fjalë./2L ONLINE/