Marrëveshje bashkëpunimi, FC Drita – Teatri i Qyteti

Marrëveshje bashkëpunimi, FC Drita – Teatri i Qyteti

FC Drita dhe Teatri i Qytetit kanë arritur marrëveshje bashkëpunimi, duke u zotuar për bashkëpunim të ndërsjellë në aktivitetet e tyre, kulturore dhe sportive, kanë bërë me dije përfaqësues të klubit bardhë e kaltër.

Përmes kësaj marrëveshje klubi Drita dhe Teatri i Qytetit do të shkëmbejnë përvoja dhe do të mbështesin njeri-tjetrin, përmes promovimit të shfaqjeve teatrale dhe ndeshjeve sportive nga artistët, futbollistët e tifozët.

Ky bashkëpunim do të realizohet përmes vizitave të organizuara në shfaqje dhe ngjarje sportive, duke krijuar forma kreative të marketingut, pasqyrimit të aktiviteteve nga kalendari mujor (repertori) i Teatrit të Qytetit dhe orarit të ndeshjeve të klubit tonë, DRITA.

Drejtori i përgjithshëm i klubit Drita, Feti Murseli, theksoi se marrë parasysh sukseset e të dyja palëve, në sport e kulturë në vazhdën e zhvillimit të politikave të përbashkëta synohet të mbështesin njëri-tjetrin, të promovojnë krijimet teatrale e sportive deri tek rritja e performancës, cilësisë dhe shikueshmërisë.

Drejtori i teatrit, Erson Zymberi theksoi faktin që FC Drita dhe Teatri i Qytetit në Gjilan falë punës dhe profesionalizmit kanë arritur të jenë shembull në nivel republike për organizimin, lojën dhe rezultatet, prandaj synojnë të gërshetojnë përvojën vendore dhe ndërkombëtare në suksese të mëtutjeshme. /2LONLINE.com/

KOMENTE