Marrëveshja për drejtësinë e bazuar në ligjet e Kosovës

Ministrja për Dialog, Edita Tahiri, ka thënë se gjykatat në Veri do të funksionojnë krejtësisht bazuar në ligjet e Kosovës. Ajo ka thënë se në dialogun e së hënës do të bisedohet edhe për këtë pikë me palën serbe.

“Ka marrëveshje se do të ketë një Gjykatë Themelore që do të veprojë në shtatë Komuna sic thuhet në Ligjet tona. Do të jetë edhe një Zyre Prokurore. Presim të arrihet kjo marrëveshje gjatë takimit të së hënës”, ka thënë Tahiri, për RTK.

Ministrja Tahiri ka thënë se s’ka asnjë mundësi të ketë shmangie nga ligjet e Kosovës edhe me rastin e zbatimit të marrëveshjes së radhës mes Kosovës dhe Serbisë.