Maqedonci: Kosova qëndron krah partnerëve për të mbështetur Ukrainën

Ministri i Mbrojtjes, Ejup Maqedonci, ka marrë pjesë virtualisht në takimin e 27-të të Grupit të Kontaktit të Mbrojtjes së Ukrainës (Ukraine Defense Contact Group), së bashku edhe me drejtorin e Departamentit për Bashkëpunim Ndërkombëtar, Ahmet Ajeti.

Gjatë këtij takimi u diskutuan zhvillimet e fundit lidhur me situatën në Ukrainë, si dhe koordinimi i mëtejmë i mbështetjes ndërkombëtare për këtë shtet.

Ministri Maqedonci theksoi rëndësinë e vazhdimit të përkrahjes për Ukrainën, duke nënvizuar se bashkëpunimi me partnerët ndërkombëtarë mbetet kyç në përballimin e sfidave të sigurisë.

“Kosova qëndron krah partnerëve për të mbështetur Ukrainën,” ka deklaruar ministri Maqedonci.   /2LONLINE/