Manaferra frenon plakjen e mendjes

Sipas disa studiuesve, ngrënia e manaferrave dhe e dredhëzave mund të ndihmojë në frenimin e plakjes së mendjes në moshë të thyer. Është zbuluar se plakja e trurit mund të shtyhet deri në dy vjet e gjysmë tek gratë e moshuara nëse hanë sasi të mëdha të manaferrave.

Këto zbulime vijnë nga një studim i gjatë i mostrave mjekësore i cili përfshinë vetëm gratë, por mund të aplikohet edhe tek meshkujt. Ekspertët besojnë se përfitimet vijnë nga përmbajtja e lartë e flavonoideve tek manaferrat, si dhe antioksidantët që gjenden tek bimët që mund të të mbrojnë nga një mori sëmundjesh.

Ekipi amerikan i studimit ka përdorur të dhëna nga ky studim, ku përfshihen 121.700 femra, të gjitha të moshës 35-55 vjeçe të regjistruara, që kanë përfunduar pyetësorët për shëndetin dhe jetesën që nga viti 1976.