Maloku: Nënshkrimet e dy marrëveshjeve nuk mund të tërhiqen

Ish-nënkryetari i Kuvendit të Kosovës, Naim Maloku, në një intervistë për “Epokën e re” i ka vlerësuar të tmerrshme pamjet që e kanë karakterizuar seancën e fundit të Kuvendit të Kosovës. Sipas tij, është dashur të pezullohet mbajtja e seancës dhe të insistohet për dialog në mes të pozitës dhe opozitës për të gjetur rrugëdalje.

Për tejkalimin e situatës aktuale Maloku ka thënë se nuk ka zgjidhje tjetër përveç dialogut. Ai i ka bërë thirrje presidentes Atifete Jahjaga që sërish të tentojë t’i bëjë bashkë liderët politikë.

Ai ka bërë me dije se nënshkrimet e dy marrëveshjeve nuk mund të tërhiqen. “Edhe po të vijë qeveria tjetër nuk mund t’i tërheqë këto nënshkrime”, është shprehur Maloku.

Shkuarjen eventuale në zgjedhje të reja Naim Maloku e sheh si zgjidhje.

http://www.epokaere.com/index.aspx?SID=13&PMID=2&LID=2&ACatID=1&AID=71838&Ctype=1