Maloku kërkon sqarim për mos respektimin e flamurit shtetëror nga Shpend Ahmeti

Deputetja nga radhët e LDK-së, Doruntinë Maloku në seancën e Kuvendit të Kosovës ka ngrehu shqetësimin e saj lidhur me mos respektimin e simboleve shtetërore nga ana e Komunës së Prishtinës.

Maloku theksoj se janë bërë pothuajse dy javë që nga dita e çlirimit të Prishtinës, dhe në këtë ditë asnjë flamur shtetërorë nuk është parë të valojë në qytet.

Maloku ka shtuar se e njëjta gjë kishte ndodhur edhe me vendosjen e shtatores së Ismail Qemailit ku nuk u pa asnjë flamur shtetorë.

“ Dua të di nëse Ministria e Pushtetit Lokal ka kërkuar sqarim nga Shpend Ahmeti për mos prezencën e asnjë flamuri shtetëror në këto dy manifestime. Edhe unë e dua më shumë flamurin dardan të presidentit Rugova, por kjo nuk më jep të drejtën që ti mos respektoj simbolet shtetërore ato me të cilat Kosova përfaqësohet anë e kënd botës”, ka thënë Maloku.

Ajo ka shtuar se Komuna e Prishtinës siç duke e do pushtetin por jo edhe shtetin. Maloku ka kërkuar sqarim publik nga Ministria e Pushtetit Lokal lidhur me përdhosjen e flamurit shtetëror nga ana e Komunës së Prishtinës./Indeksonline/

http://www.indeksonline.net/?FaqeID=2&LajmID=168198