Maloku i kërkon kryeministrit ta shkarkojë Abrashin

Njohësi i çështjeve të sigurisë, Naim Maloku ka reaguar ndaj deklaratës së ministrit të Punës dhe Mirëqenies Sociale, Arban Abrashi i cili i ka krahasuar metodat e përdoruara nga Lëvizja Vetëvendosje!, sidomos gjuajtjen me ve dhe incizimin e atyre aksioneve, me metodat e organizatës terroriste ISIS.

Maloku në një postim në rrjetin social Facebook drejtuar kryeministrit Isa Mustafa ka kërkuar nga ai që të përcaktohet në dy gjëra: në shkarkimin e Abrashit dhe sqarimin përmes Kushtetutës për kërkesën për dialog me organizata terroriste.

Lexoni postimin e plotë të Malokut:

Kryeministër,
Ministri ne Qeverinë te cilën Ju e drejtoni, z. Abrashi e quajti publikisht VV n ISIS!
VV është, si qe edhe Ju besoj e dini, partia e trete nga zgjedhjet e kaluara dhe njeherit ne opozite.
Ju vazhdimisht po deklaroni, publikisht nga mbledhjet e Qeverise dhe para Ministrit, qe jeni për dialog.
Janë dy gjera për te cilat Ju duhet te përcaktoheni
1. Ta shkarkoni Ministrin dhe me ketë ta bindeni opozitën dhe opinionin e gjere qe ftesa e Juaj për dialog është e sinqertë, ose,
2. Te na sqaroni se me cilin nen te Kushtetutës Ju keni te drejte si Kryeministër me i ofrua dialog një organizate terroriste.