Malisheva ndali ecurinë pozitive të Gjilanit

SC Gjilani nuk ia doli t’i bëjë ballë Malishevës, duke ndërprerë kështu ecurinë e rezultateve pozitive që pati në këto xhiro të deritanishme të stinorit pranveror.

Ishte kjo një përballje e rëndësishme e skuadrës kuq e bardh nga Gjilani pasi po ballafaqohej me një skuadër rivale e drejtpërdrejt për një pozitë që do të dërgojë në garat evropiane.

Ballafaqimi Malisheva – Gjilani u përmbyll me rezultatin 4:1. Ishte kjo ndeshje e javës së 24-të e Superligës së Kosovës në Futboll.

Golin e vetëm për Gjilanin e shënoi Oltion Bilalli derisa për vendësit shënuan Arbër Prekazi dhe Altin Aliu, tregolësh.

Gjilani vazhdon të mbajë pozitën e katërt me 34 pikë, në pozitën 2 e 3 janë Ballkani dhe Malisheva me nga 40 pikë, e liderë është Drita me 53 pikë.  /2LONLINE/