Maliqi: Blerandi do të duhej të shpallej sportist i vitit, fatkeqësisht po vazhdojnë padrejtësitë

/2L ONLINE/ – Komuna e Gjilanit, njësia për sport ka bërë përzgjedhjen e më të dalluarve në sektorin e sportit por jo të gjithë janë pajtuar me përzgjedhjen e bërë nga komisioni i krijuar për këtë gjë. Madje disa e vlerësojnë punën e komisionit si jo të mirë dhe përzgjedhjen e më të dalluarve, si të padrejtë sepse nuk janë vlerësuar ata me rezultate më të mira. Në këtë drejtim Maliq Maliqi, drejtor i Klubit të Karatesë “Dardania”, njëherësh anëtar bordi i Federatës së Karatesë së Kosovës, përmend karateistin e këtij Klubi, Blerand Limonin, i cili është përzgjedhur në kategorinë e shpresave të Gjilanit ndërsa Maliqi pretendon se rezultat e tij dëshmojnë se ai ka merituar më shumë.

“Po vazhdon avazi i komisioneve që nuk po e bëjnë punën e tyre mirë. Nuk po vlerësohen realisht më të mirët. Rezultatet e Blerandit, brenda periudhës përkatëse të vlerësimit dëshmojnë se ai e ka merituar të jetë sportist i vitit. Vlerësojë se Komisioni ka bërë një përzgjedhje shumë të padrejtë ndaj sportist tonë Blerand Limonit (kadet)”, ka thënë Maliqi.

Ai u shpreh tejet i pakënaqur por edhe i revoltuar me qasjen që po kanë institucionet, por edhe komisionet veçmas ndaj sportit të karatesë dhe karateistëve në fjalë. “jam i pakënaqur tejmase me vlerësimin që ia kanë bërë Blerandit duke e futur vetëm në mesin e pesë sportistëve të përzgjedhur si shpresat e Gjilanit , edhe atë të radhitur i dyti në këtë pesëshe, ndërkohë që rezultate e arritura nga Blerandi, dëshmitë për këtë i ka pas dhe komisioni, flasin se ai mund të zgjidhje me plotë të drejt edhe sportist i vitit në nivel komune”, thotë Maliqi.

Ai më pastaj radhit disa prej sukseseve të Blerandit brenda periudhës qershor 2015 – qershor 2016, periudhë kjo për të cilën janë vlerësuar sportistët që janë përzgjedhur sot në mesin e të dalluarve.

Maliqi thotë se Blerandi është:

Kampion i dyfishtë i Kosovës
Kampion i dyfishtë mbarëkombëtarë
Kampion ballkanik ( i mbajtur në fund të vitit 2015 në Dubrovnik të Kroacisë)
I pesti në Kampionatin Evropian për kadet dhe nor ( mbajtur në Qipro)
I shtati në Kampionatin Botëror për kadet dhe junior ( i mbajtur në Indonezë) si dhe fitues i vendit të parë në shumë turne në Kosovë dhe jashtë saj.

“Blerand Limoni është edhe reprezentues i rregullt i Reprezentacioni të Republikës së Kosovës. Vlerësojë se sot nuk iu dha vendi i merituar në mesin e më të dalluarve dhe me këtë vlerësoi se po vazhdon padrejtësia e atyre që përzgjedhin ndaj karateistëve tanë që suksesin e tyre e dëshmojnë, jo fjalët tona, por rezultatet e tyre”, thotë Maliq Maliqi, drejtor i Klubit të Karatesë “Dardania” nga Gjilani. /2L ONLINE/

BLERAND LIMONI

MALIQ MALIQI