Krenaria e sportit kosovar, Majlinda Kelmendi, e ka fituar medaljen e artë, para pak çastesh, në turneun “Grand Prix” në Samsun të Turqisë. Xhudistja pejane arriti me lehtësi deri te suksesi i radhës, duke e mposhtur në finale italiane, Odette Giuffrida, me ippon.
Paraprakisht Majlinda i kaloi me sukses edhe duelet kundër rumunes, Larisa Florian, ukrainases Mariia Buiok dhe gjermanes Romy Tarangul.
Ky është suksesi i dytë për këtë vit i Majlindës, e cila kohë më parë e fitoi medaljen e artë edhe në Grand Slamin e Parisit. Të rikujtojmë se suksesin më të madh xhudistja kosovare e arriti vitin e kaluar kur u shpall kampione e botës në Rio de Janiero.(RTK)