Magbule Xhemaili do të hap në Ulqin ekspozitën e saj personale: “Kujtesa e një kohe”

Artistja Magbule Xhemaili, ka bërë me dije se në Ulqin hapet sonte Ekspozita e saj personale e titulluar “Kujtesa e një kohe”.

Profesoresha e artit ka bërë me dije se ekspozita do të hapet sonte, e diel, 2 gusht 2026, me fillim në ora 20 e 30, në Muzeun Vendor – Qyteti i Vjetër – Kalaja, Ulqin. Mali i Zi, ndërkohë që kuratore do të jetë Mersiha Resulbegoviq Mavriq.

Xhemaili ka bërë me dije se ekspozita organizohet në kuadër të Skenës Verore të Ulqinit dhe do të qëndrojë e hapur nga 2 deri më 13 gusht 2026.

“Ekspozita realizohet me mbështetjen e Ministrisë së Kulturës dhe Turizmit të Kosovës, Qendrës për Kulturë – Ulqin dhe Komunës së Ulqinit”, ka bërë me dije Magbule Xhemaili.  /2LONLINE/