Lutfi Haziri, pas tërmetit në Gjilan: Nuk ka vend për panik

Lutfi Haziri, pas tërmetit në Gjilan: Nuk ka vend për panik

Pas tërmetit me intensitet 2.5 shkallë rihteri që e goditi jugun e Gjilanit pasditen e të shtunës, kryetari i Komunës, Lutfi Haziri, në cilësinë e udhëheqësit të shtabit të emergjencave civile, ka bërë të ditur se nuk ka vend për panik, duke apeluar qytetarët për qetësi.

Kryetari Haziri ka njoftuar se fatmirësisht nuk ka raportime për dëme materiale e as në njerëz.

Haziri është shprehur se janë në kontakt të vazhdueshëm me Institutin Sizmologjik të Kosovës, i cili ka raportuar për karakteristikat e kësaj lëkundjeje.

Shtabi i emergjencave civile në Gjilan apelon qytetarët që të mos shqetësohen pasi mund të ketë sërish dridhje të vogla, të cilat vijnë pas goditjes së parë, si aktivitet tektonik. /2LONLINE.com/

***

Një tërmet prej 2.5 të shkallës Rihter është regjistruar pasditen e së shtunës në kufirin Kosovë – Serbi.

Siç njofton ueb sajti ‘volcanodiscovery’, lëkundjet janë ndier rreth orës 16:46.

Epiqendra e tërmetit ka qenë 13 kilometra në juglindje të Gjilanit.

Sipas Qendrës Euro-Mesdhetare të Sizmologjisë, tërmeti është ndier edhe në Maqedoninë e Veriut.

KOMENTE