Lutfi Haziri nderohet me çmimin “Imazhi shqiptar i politikanit vizionar”
/2L ONLINE/ – Forumi mbarëshqiptar “Imazh&Media” i ka dhënë sot çmimin “Imazhi shqiptar i politikanit vizionar” kryetarit të Komunës së Gjilanit Lutfi Haziri.
Kryetarit Haziri ia ka dorëzuar çmimin kryetari i Forumi “Imazh&Media”, Astrit Memia, i cili shoqërohej nga një delegacion i përbërë nga të gjitha trojet shqiptare.
Kryetari i Forumi “Imazh&Media”, Astrit Memia, tha se ky çmim i jepet kryetarit Haziri për kontributin e dhënë që nga viti 1990 në të gjitha zhvillimet politike, shoqërore e kulturore të Kosovës.
“Sot ne gjendemi në Gjilanin e lirisë, luftës e vuajtjes, në Gjilanin e të ardhmes, në Gjilanin e vlerave jo vetëm të Kosovës, por në Gjilanin e vlerave kombëtare dhe globale. Forumi shqiptar “Imazh&Media” dhe “Imazhi Shqiptar” ka nderuar me çmimin “Imazhi shqiptar i politikanit vizionar” kryetarin e Komunës së Gjilanit, Lutfi Haziri, i cili është një ndër personalitetet që njihet nga brezi i vjetër i vuajtjes, nga brezi i mesëm dhe brezi i ri. Pra është një figurë që bashkon tre breza, i cili ka marrë pas vitit 1990 ka marrë pjesë në të gjitha zhvillimet politike, shoqërore e kulturore të Kosovës, siç e quajmë ne “Imazhi Shqiptar”, të Dardanisë”, ka thënë Memia.
Ai tha se kryetari Haziri është një simbol i prezantimit të vlerave të pushtetit lokal, duke shtuar se e ka bërë Gjilanin të njihet në Ballkan, Europë dhe në botë.
“Kryetari Haziri është një simbol, një model i punës, i paraqitjes dhe prezantimit të vlerave të pushtetit lokal se si mund të integrohen qytetarët në një pushtet dhe të ngrihet nga një Gjilan që e njeh një zonë e Kosovës, në një Gjilan që e njeh Ballkani, Europa dhe më gjerë. Pikërisht për personalitetin, vlerat, dhe kontributin që ka dhënë, Forumi shqiptar “Imazh&Media” me të gjitha degët e tij në trevat shqiptare e ka vlerësuar me çmimin “Imazhi shqiptar i politikanit vizionar”, ka shtuar kryetari i Forumi “Imazh&Media”, Astrit Memia.
Nga ana e tij, kryetari i Komunës së Gjilanit Lutfi Haziri tha se ndihet i nderuar për vlerësimin që ka bërë për të Furumi “Imazh&Media” për personalitetin e tij.
“Dëshiroj ta falënderoj Furumin shqiptar “Imazh&Media” për vlerësimin që ka bërë për mua personalisht, për Gjilanin dhe krahinën e Anamoravës, e cila po kalon sivjet një 70-vjetor të madh të dhimbjes dhe krenarisë për shkak të sakrificës së madhe të qytetarëve dhe kryengritësve, të cilët kanë bërë thirrje në emër të Zotit për liri e për komb. Kjo është një ditë shumë e veçantë për mua”, ka thënë kryetari Haziri.
Ndryshe, Forumi shqiptar “Imazh&Media” ka nderuar disa personalitete shqiptare me çmime të ndryshme, ndërsa deri tash në fushën e politikës e ka nderuar kohë më parë vetëm një personalitet – Arbën Xhaferin./2L ONLINE/