Lutfi Haziri: Gjilani e Anamorava janë braktisur nga qeveria, por jo nga LDK!

Lutfi Haziri, kreu i LDK-së së Gjilanit, nënkryetar në nivel qendror, njëherësh kandidat për deputet i këtij subjekti politik në zgjedhjet e 28 dhjetorit ka thënë se Gjilani e Anamorava janë braktisur nga qeveria, por jo nga LDK-ja.

“Sot strukturat e Lidhjes Demokratike të Kosovës në Gjilan finalizuan përgatitjet për zgjedhjet 28 dhjetorit. Mobilizimi politik i LDK-së po bëhet me qytetarin dhe me shpresë e besim të madh që rolin tonë në ruajtjen e lirisë dhe demokracisë së vendit, qytetarët do t’ia kthejnë besimin partisë shtetformuese”, ka thënë Haziri.

Sipas tij, kandidatët nga LDK e Gjilanit janë autoritete politike e profesionale, të ndershëm e me integritet të lartë moral e dinjitet njerëzor.

“Bashkë, do të vazhdojmë të jemi gardianë të demokracisë, zhvillimit dhe rikthimit të madh të LDK-së.  Besimin tuaj, do t’ua kthejmë me punë të hajrit e dashni për Gjilanin”, ka thënë Haziri i LDK-së.  /2LONLINE/