Lutfi Haziri falënderon Zabelin për mbështetjen e madhe: Do të mbetem gjithmonë, Luta juaj!

Kryetari i Degës së LDK-së dhe i Komunës së Gjilanit, Lutfi Haziri, ka falënderuar qytetarët e Zabelit për mbështetjen e vazhdueshme në të gjitha garat zgjedhore.

Kryetari Haziri ka falënderuar Zabelin për përkrahjen edhe në zgjedhjet e 17 tetorit, ku u bë rikthimi i madh i LDK-së.

“Sa herë që kam qenë në garë zgjedhore, nga Zabeli e kam marrë mbështetjen e plotë. Ju faleminderit shumë për besimin dhe realizimin e rikthimit të madh të LDK-së. Ky besim na bën nder dhe më të përgjegjshëm në punë. Do të mbetem gjithmonë, Luta juaj!”, ka thënë kryetari Haziri.

Përndryshe, Lutfi Haziri është kandidati i LDK-së që do të garojë për kryetar të komunës së Gjilanit edhe në balotazhin e 14 nëntorit.  /2LONLINE.com/