Lutfi Haziri: 35-vjetori i LDK-së më Gjilan, viti i falënderimit ndaj Rugovistëve
“Aty ku e nisëm 35 vite më parë, në Shtëpinë e Kulturës “Zija Shemsiu” në Përlepnicë, u mblodhëm bashkë për ta shënuar këtë përvjetor të madh të themelimit të partisë shtetformuese”, ka thënë Lutfi Haziri, kryetar aktual i degës së LDK-së në Gjilan.
Ai bëri me dije se më 4 mars 1990 u themelua Dega e LDK-së në Gjilan, ku kryetar i Kuvendit Zgjedhor u zgjodh Musa Qerimi, por kësaj ngjarjeje i parapriu 23 janari 1990, ku u themelua Këshilli Organizativ për themelimin e LDK-së, me kryetar tashmë të ndjerin dhe të paharrueshmin, veprimtarin e madh, Dalip Dalipi.
“2025-ta do të jetë vit falenderimit për LDK-në dhe Rugovistët, ata burra e gra që i dhanë shpresë e besim rruges për liri, pavarësi e demokraci.
Urime 35-vjetori i Degës së LDK-së dhe faleminderit deri në përulje veprimtarëve e aktivistëve për kontributin e jashtëzakonshëm, në veçanti ndaj atyre që nuk janë në mesin tonë e që nuk u frikësuan në një kohë të pakohë.
Faleminderit gjilanasve dhe të gjithë Anamoravës kudo që janë”, ka thënë kreu i LDK-së së Gjilanit, Lutfi Haziri. /2LONLINE/