Luta: Vendimmarrja transparente rritë besueshmërinë e publikut te qeverisja lokale

/2L ONLINE/ – Kreu i Komunës së Gjilanit Lutfi Haziri-Luta, ka përgëzuar Zyrën e Informimit për punën e bërë, veçmas me ridizajnim të faqes zyrtare të komunës dhe pasurimin e saj me informacione. Haziri ka shkruar në profilin e tij se Komuna e Gjilanit, kujdeset maksimalisht që të përmbushë këto standarde, e vetëdijshme se vendimmarrja transparente e rritë besueshmërinë e publikut te qeverisja lokale.

Ja postimi i plotë i Hazirit:

Miq, ueb faqen zyrtare të Komunës së Gjilanit e kemi dizajnuar dhe pasuruar me informacionet nga më të rëndësishmet për dhe rreth Komunës tonë. Qeverisja e mirë nënkupton pjesëmarrje qytetare dhe vendimmarrje transparente. Komuna e Gjilanit, kujdeset maksimalisht që të përmbushë këto standarde, e vetëdijshme se vendimmarrja transparente e rritë besueshmërinë e publikut te qeverisja lokale. E falënderoj Zyrën e Informimit Publik për punën e jashtëzakonshme që e ka bërë në këtë drejtim. Jepni edhe ju idetë, kritikat, rekomandimet e komentet tuaja, në mënyrë që ta bëjmë ueb faqe model. Vazhdojmë me punë t’hajrit! LH