Luta, para qytetarëve me 4 korrik

/2L ONLINE/ – Kryetari i Komunës së Gjilanit, Lutfi Haziri, do të mbajë takimin e parë publik për këtë vit, më 4 korrik 2015. Në këtë takim, kryetari Lutfi Haziri pritet të shpalos para qytetarëve punën e deritanishme të qeverisjes komunale, si dhe do t`i paraqes objektivat dhe projektet e planifikuara për pjesën e dytë të vitit.

Përndryshe, nga Zyra për informim e komunës thuhet se Kryetari Haziri dhe drejtorët komunalë, mirëpresin interesimet, pyetjet, kërkesat, sugjerimet e publikut, përfshirë edhe vërejtjet.

Takimi publik i kryetarit të Komunës Lutfi Haziri  me qytetarë mbahet nga ora 11:00, në sallën e Teatrit të Qytetit. /2L ONLINE/