Luta i kujton vargjet e Agimit

/2L ONLINE/ – Kryetari i Komunës së Gjilanit, Lutfi Haziri-Luta, ka kujtuar vargjet e heroit Agim Ramadani. Ai ka thënë se Agimi mbetet ikona e luftës për liri e bashkim. Ai bëri histori. Së bashku me Sali Çekun dhe shokët, Agimi e shkuli gurin që për 100 vjet i ndante shqiptarët.

Ja postim i plotë i Hazirit”

Agim Ramadani mbetet ikona e luftës për liri e bashkim. Ai bëri histori. Së bashku me Sali Çekun dhe shokët, Agimi e shkuli gurin që për 100 vjet i ndante shqiptarët. 17 vjet pas rënies së tij në altarin e lirisë, po e ndaj strofën e epike të stilit fishtian të këtij kolosi, e cila sot e asaj ditë më rrenqethë:

M’u shterrshin sytë nëse pushoj
Lirinë tënde me ëndërrue
Mallkue qoftë gjaku im
Nëse m’vrasin pa luftue

Lavdi e përjetshme jetës dhe veprës së Agimit! LH