Luta falënderon Zyrën për Integrime, për organizimin e Javës së Evropës

/2L ONLINE/ – Kreu i Komunës së Gjilanit Lutfi Haziri-Luta, ka shkruar në profilin e tij se në Evropë e kemi prezent Gjilanin e vogël me mbi 30 për qind të popullsisë sonë, të cilët janë të integruar në jetën shoqërore, institucionale, arsimore, shëndetësore, politike, ekonomike, e sportive, por në të njëjtën kohë, mbi 90 për qind e të rinjve të Kosovës asnjëherë nuk e kanë vizituar BE-në deri më tani, për shkak të regjimit të vizave, të cilat më në fund po hiqen.

Ja postimi i plotë i Hazirit

“Java e Europës në Gjilan ka nisur me sport, ku u ballafaquan në një ndeshje futbolli veteranët me të rinjtë e qytetit. E përgëzoj Zyrën për Integrime Europiane për organizimin e mirë, ndërkaq, për një javë rresht do të kemi aktivitete, debate, tryeza, e konferenca, me qëllim që koncepti i Europës të jetë sa më afër qytetarëve. Në Europë e kemi prezent Gjilanin e vogël me mbi 30 për qind të popullsisë sonë, të cilët janë të integruar në jetën shoqërore, institucionale, arsimore, shëndetësore, politike, ekonomike, e sportive. Por, në të njëjtën kohë, mbi 90 për qind e të rinjve të Kosovës asnjëherë nuk e kanë vizituar BE-në deri më tani, për shkak të regjimit të vizave, të cilat më në fund po hiqen. LH?