Luta: Ata që tentojnë t’i kopjojnë iniciativat e Serbisë, janë të prirur të dështojnë. Pikë!

/2L ONLINE/ – Kreu i komunës së Gjilanit., njëherësh nënkryetar i LDK-së. Lutfoi Haziri-Luta, thotë se i ka dy fjalë për ata zëra që po e kërkojnë njohjen e Asociacionit të komunave me shumicë shqiptare në Kosovën Lindore nga kryeministri Mustafa

Haziri përmes postimit në profilin e tij zyrtar në facebook ka thënë se Rezoluta e Kuvendit të Republikës së Kosovës për të drejtat e shqiptarëve të Preshevës, Bujanocit dhe Medvegjës e sponsorizuar nga ai, është më e madhe se njohja e Asociacionit të komunave shqiptare me shumicë në Serbi nga ana e kryeministrit Isa Mustafa, është më e madhe se i ashtuquajturi Asociacion i komunave me shumicë serbe në Kosovë, apo ‘Zajednica’ e Vetëvendosjes dhe më e madhe se pashallëqet tjera.

“Dëshiroj të theksoj se ata që tentojnë t’i kopjojnë iniciativat e Serbisë, janë të prirur të dështojnë. Pikë!” thotë Haziri. /2L ONLINE/