Lulzim Basha përgëzon Lutfi Hazirin për zgjedhjen në krye të Gjilanit

(2LONLINE) – Kryetari i Gjilanit, Lutfi Haziri, po qëndron në një vizitë në Shqipëri, ku është takuar sot me liderin e Partisë Demokratike, Lulzim Basha. Në këtë takim miqësorë, mes miqësh të vjetër, Basha e ka përgëzuar .Hazirin për zgjedhjen në krye të Gjilanit dhe për zgjedhjet e lira të mbajtura në Republikën e Kosovës, thuhet në një njoftim të LDK-së së Gjilanit.

Kjo është vizita e parë e Lutfi Hazirit jashtë vendit, pasi u zgjodh kryetar i gjilanasve, ndërsa betimin para anëtarëve të Kuvendit Komunal do ta jap më 24 dhjetor.

Lutfi Haziri mori mbështetjen më shumë se 26 mijë qytetarëve të Gjilanit në zgjedhjet e 1 dhjetorit, duke u bërë fituesi më i madh në nivel nacional, thuyhet në një njoftim të LDK-së së Gjilanit./2lonline/