“Luftë” për kreun e tabelës!

Java e 21-të e IPKO Supërligës në futboll, që luhet në mesjavë (4 e 5 mars), do të sjellë edhe një super ndeshje në mes të dy skuadrave që janë në krye të tabelës së klasifikimit e të cilat do të ballafaqohen mes vete për epitetin e liderit.

Ballkani i Suharekës aktualisht mban kreun e tabelës me 41 pikë të grumbulluar nga 20 xhiro, pasohet nga Drita e Gjilanit që ka një pikë më pak, po nga 20 xhiro.

Të dyja skuadrat që deri m etani kanë nga 12 fitore, synojnë maksimum të pikëve nga kjo ndeshje.

Ndeshja mes Ballkanit e Dritës do të zhvillohet të mërkurën duke filluar prej orës 13:00, në stadiumin e qytetit në Suharekë.