Lufta speciale e Serbisë, sponsorizon ISIS-in të provokojë invadimin!

Kërcënimi serb ndaj Kosovës është permanent. Për shkak të prezencës së NATO-s, Serbia e ka të pamundur të ndërhyjë në veri të Kosovës.

Kështu thonë për “Bota sot”, njohësit e fushës së sigurisë, pas raportit të publikuar në media rreth një ndërhyrjeje të forcave ushtarake serbe në veriun e Kosovës. Sipas, portalit “Te Sheshi”, që prej luftimeve në Kumanovë, mediet serbe nuk kanë pushuar së propaganduari se i njëjti skenar pritet të ndodhë edhe në veri të Kosovës.

Në fakt, u bë një kohë e gjatë, që raportohet se Forcat ruse bashkë me ato serbe po bëjnë ushtrime të përbashkëta shumë afër territorit të Kosovës.

Fadil Kajtazi, ekspert i sigurisë, vlerëson se intensiteti i këtij kërcënimi varet nga shumë faktorë por dominuese, është gjendja e përgjithshme në nivel global, ku zhvillimet në lindje, para së gjithash pretendimet hegjemoniste ruse këtij kërcënimi i japin dimension tjetër.
“Ne edhe më herët kemi tërhequr vëmendjen e opinionit se kërcënimi serb ndaj Kosovës është permanent.

Intensiteti i këtij kërcënimi varet nga shume faktorë, por dominues është gjendja e përgjithshme në nivel global, ku zhvillimet në lindje, para së gjithash pretendimet hegjemoniste ruse këtij kërcënimi i japin dimension tjetër. Në qoftë se i referohemi historisë, dy luftërat ballkanike si dhe Lufta e Parë Botërore janë “sponsorizuar” nga Rusia, kurse realizator ka qenë Serbia.

Në kushtet e rizgjimit të “idesë së pansllavizmit” përvijimi i politikave ruse në Ballkan përmes faktorit serb është evident, por që e dallon në përmbajtje dhe metoda”, vlerëson Kajtazi.