LRFGJ: Fillon Kinderliga në Rajonin tonë!

Me entuziazëm dhe energji, Regjioni i Gjilanit ka mirëpritur fillimin e Kinderligës, një aktivitet i dedikuar për masovizimin e futbollit dhe nxitjen e rekreativitetit tek futbollistët e rinj, njofton Lidhja Rajonale e Futbollit e Gjilanit (LRFGJ).

Ky projekt ka për qëllim të krijojë një ambient të shëndetshëm, argëtues dhe edukativ për fëmijët, ku sporti dhe miqësia shkojnë dorë për dore. Përmes garave të rregullta, lojërave miqësore dhe aktiviteteve shoqëruese, Kinderliga synon të zhvillojë tek fëmijët dashurinë për futbollin, frymën ekipore dhe respektin për fair-play.

Ftojmë të gjithë prindërit, trajnerët dhe dashamirët e sportit të jenë pjesë e këtij aktiviteti të bukur që do të ndihmojë në rritjen e brezit të ri të futbollistëve në rajonin tonë.

Kinderliga – ku nis rrugëtimi i ëndrrave futbollistike, njofton Lidhja Rajonale e Futbollit e Gjilanit. /2LONLINE/