LRF Gjilan shpall të mbyllur edicionin garues 2019/20

Lidhja Rajonale e Futbollit e Gjilanit në bazë të vendimeve të marra nga Komiteti Ekzekutiv në Federatën e Futbollit të Kosovës më datë 27/05/2020, shpall të mbyllur ciklin garues 2019/20 për grupmoshat e reja.

Në bazë të vendimit të marrë nga KE – Fitues do të shpallen ekipet e para të çdo kategorie, sipas renditjes aktuale tabelare.

LRF Gjilan po ashtu ka njoftuar Klubet dhe Shkollat e Futbollit që nuk ka pranuar asnjë vendim për rifillimin e seancave stërvitore në FFK dhe lë në diskrecion të tyre, të cilët së bashku me prindërit të vendosin për fillimin, apo mos fillimin e ushtrimeve.

Zhvillimi i garave të “Play Off-it” në nivel vendi do të varet nga situata pandemike në vend dhe masat të cilat do të vendosen nga organet institucionale.