Llapi përforcon mbrojtjen, vjen nga Tetova

Skuadra nga Podujeva, Llapi, ka bërë të ditur se ka nënshkruar me mbrojtësin nga Tetova, Xhelil Abdullai.

27 vjeçari së fundmi ka qenë pjesë e Renovës derisa ka luajtur edhe për Shkëndijën, Graafschap në Holandë dhe te Duisburk.

Ky është njoftimi i Klubit:

ZYRTARE: Xhelil Abdullai transferohet tek Llapi

Podujevë, 18 qershor 2019 – Llapi ka nënshkruar kontratë 1 vjeçare me qendërmbrojtësin nga Tetova, Xhelil Abdullai i cili së fundmi ishte pjesë e Renovës.

Xhelil Abdullai, 27 vjeç, i lindur më 25.09.1991 i gjatë 1.90 është qendërmbrojtës. Ka debutuar tek Shkëndija dhe është shpallur kampion në edicionin 2011/12. Nga Shkëndija ka kaluar tek De Graafschap në Holandë, e pastaj tek MSV Duisburg. Ka bërë karrierë edhe tek Euromilk, ku më pas është rikthyer tek Shkëndija. Tash e tre edicione ka qenë pjesë e Renovës, ku në stinorin e fundit është paraqitur në 31 ndeshje.