Llapi dhe Drita ndajnë pikët, derbi mbyllet me barazim

Në kuadër të javës së pestë në Podujevë u zhvillua ndeshja derbi mes Llapit dhe Dritës, e cila përfundoi me rezultat të barabartë 2:2.

Ishin vendasit ata që kaluan të parët në epërsi me anë të Kastriot Selmanit, i cili realizoi gol të hershëm për Llapin në minutën e pestë.

Me epërsi të Llapit përfundoi edhe pjesa e parë e takimit, përkundër rasteve të të dyja skuadrave për të shënuar gol.

E gjithë loja, por sidomos pjesa e dytë u karakterizua nga tensione në fushë dhe dëshirë të pandalur për të realizuar gol.

Sa njëra skuadër sa tjera provonin në forma të ndryshme, me shkëputje, kundërsulme, lojë taktike e të shpejtë, por portat mbetën të pa prekura deri në dhjetë minutat e fundit te takimit.

Në minutën e 50-të, Liridon Leci solli shkëlqimin e Dritës, duke kthyer rezultatin dhe barazuar shifrat në 1:1.

Po zhvillohej minuta e 87-të, kur Gilberto Fortunado kaloi Dritën në epërsi për 1:2.

Teksa, të gjithë po e prisnin vërshkëllimën e fundit, futbollistët e Llapit nuk u zbrapsën dhe në minurën 90+, rezultatin e riktheu, Behar Maliqi për 2:2.