Lladova e Gjilanit themelon Këshillin e Fshatit

/2L ONLINE/ – Me një pjesëmarrëje rekorde të qytetarëve në votim, Lladova ka themeluar Këshillin e Fshatit në përbërje të shtatë anëtarëve, derisa kryetar është zgjedhur Florim Ajeti. Kryetari i Komisionit Komunal për Themelimin e Këshillave të Fshatrave, Avdyl Aliu, është ndarë shumë i kënaqur me procesin, të cilin e vlerësoi si transparent dhe pa asnjë vërejtje, i cili është bërë për të përmbushur nevojat dhe kërkesat e banorëve të Lladovës.
Në këtë proces kanë qenë të pranishëm edhe anëtarët tjerë të Komisionit Komunal (pozitë-opozitë), sikurse edhe përfaqësues të organizatës “Agro-Eko”.

Takimet e radhës planifikohen të realizohet si në vijim: Shurdhan (Çelik, Dunav, Goden i Ulët, Pidiq, Stanqiq, Isufaj), më 14.03.2016, në ora 18:00; Llovcë, 18.03.2016, Malishevë e Epërme (përfshirë Muhaxherët dhe Capari), më 18.03.2016, në ora 19:00, në Xhaminë e fshatit, për të vazhduar fshatin Verbicë të Zhegocit më 23.03.2016, në ora 17:00 dhe më 24.03.2016 në fshatin Verbicë e Kmetocit, në ora 18:00. /2L ONLINE/