Listës së zonave të mbrojtura të Kosovës i shtohen edhe 9 vlera të natyrës

Agjencioni për Mbrojtjen e Mjedisit të Kosovës gjegjësisht Instituti i Kosovës për Mbrojtjen e Natyrës në bashkëpunim me komunën e Lipjanit kanë realizuar studimin e vlerave natyrore të cilat paraprakisht ishin evidentuar në territorin e kësaj komune.

Pas përgatitjes së elaborateve përkatëse për të gjitha objektet e trashëgimisë natyrore, të njëjtat janë përcjellë për miratim në Kuvendin e komunës së Lipjanit, i cili me datë 04.04.2022 edhe ka marrë 9 Vendime për mbrojtje.

Kryesisht janë Monumente te natyrës me karakter hidrologjik, botanik dhe gjeologjik:

1. Burimet e Ujit;

2. Trungu i Bungëbutës (Quercus pubescens);

3. Trungu i Shpardhit (Quercus frainetto);

4. Trungu i Bungëbutës (Quercus pubescens);

5. Trungu i Qarrit (Quercus cerris);

6. Guri të Kroni;

7. Trungu i Rrënjës (Quercus robur);

8. Trungu i Qarrit (Quercus cerris); dhe

9. Trungjet e Shpardhit (Quercus frainetto).

Me marrjen e vendimeve për këto objekte të trashëgimisë natyrore, u shtua regjistri i zonave të mbrojtura të Kosovës që mirëmbahet nga Instituti i Kosovës për Mbrojtjen e Natyrës. /2LONLINE/