Liria për fitoren e tretë ndaj kampionit, Drita e qetë në tabelë

Kampioni në fuqi Drita do ta ketë një sfidë jo të lehtë sot në Gjilan. Ata do ta presin Lirinë e Prizrenit, me të cilët është ndeshur dy herë gjatë këtij kampionati.

Në dy takimet e këtij viti ne Ipko Superligen e Kosoves, Liria kishte triumfuar përballë Dritës (3:2 dhe 0:1), ndërsa sot synon ta bëjë këtë për herë të tretë.

Përderisa, ata gjenden në pozitën e dhjetë  dhe rrezikojnë mbijetesën, Liria duket se do të udhëtojë në Gjilan për tri pikë të plota.

Në anën tjetër, Drita është stabile në pozitën e katërt dhe ndeshja në shtëpi i ofron komoditet, marrë parasysh se ndeshet para tifozëve vendas.

Ndeshja fillon nga ora 14:00, në Stadiumin e Qytetit në Gjilan.