Liria nuk ishte diçka abstrakte për Zijahun
/2L ONLINE/ – Sot 31 vite më parë ndërroi jetë në burgjet famëkeqe të Beogradit një ndër figurat emblematike të Lëvizjes për Çlirim Kombëtar Zijah Shemsiu. Formësimi dhe koncepti politik, ishin koncept i vullnetit qytetarë, ku proceset ishin pjesë e lëvizjes politike e shtresimit të saj në formimin e konceptit shtetformues.
Kështu shprehet Izmi Zeka, historian, sipas të cilit nga ga ky shikim, liria nuk ishte diçka abstrakte për Zijahun, ajo ishte vullnet i qytetarëve i jetës së tyre, andaj nuk ishte diçka individuale.
“Një qasje e rëndësishme dhe që e portretizon figurën e Zijahut, shihet qartë edhe kur thekson ” …I kam provuar të gjitha në jetë dhe askund nuk e kam gjetur vetën, vetëm në lëvizje unë jam ai që jam, vetëm aty e kam gjetur vetën dhe e ndjejë vetën mirë””, thotë Zeka.
Ai shton tutje se nga kjo qasje shihet qartë mendimi progresist, një pikëpamje tejet kohore e sublimuar mbi dy çështje mjaftë domethënëse së pari, jeta ka kuptim ,vetëm aty ku ndërgjegjja ngritët mbi interesat personalen dhe së dyti, në formë kushtrimi, se vetëm një lëvizje e përmasave kombëtare mund të reflektoj ritmin e ecjes. /2L ONLINE/