Lila: Njëjtë do veproja edhe 100 herë

Futbollisti i kombëtares shqiptare, Andi Lila deklaroi se edhe 100 herë tjera po të ndodhte një incident i ngjashëm si në ndeshjen Serbi–Shqipëri, sërish do të mbronte “flamurin më të bukur në botë”

Një prej shpëtimtarëve të flamurit të Shqipërisë Etnike, Andi Lila ka deklaruar në emisionin “Opinion” se ai nuk pendohet aspak për veprimin që ka mbrojtur flamurin, por ai thotë se edhe 100 herë do të bënte një veprim të tillë.

“Nuk pendohem për atë që bëra. Edhe 100 herë po të ndodhte, do ta bëja këtë”.

“E bëra sepse është flamuri i gjithë shqiptarëve, flamuri më i bukur në botë”, u shpreh Lila në “Opinion”.