Ligji për shtetësi aspak i favorshëm për të dëbuarit nga Kosova Lindore
/2L ONLINE/ – Sot, koordinatorja e zyrës për Preshevë, Bujanoc dhe Medvegjë znj. Gentiana Shabani takoi drejtorin administratës Nazim Gagica me të cilin diskutoi për problemet e mospajisjes me dokumentet e identifikimit për banorët e dëbuar nga Kosova Lindore.
Gjatë kësaj bisede të frytshme në mes të koordinatores Gentina Shabani dhe të drejtonit Nazim Gagica u dakorduan për bashkëpunim të ndërsjellë në arritjen e një zgjidhje përfundimtare dhe të kënaqshme për banorët të cilët jetojnë në Republikën e Kosovës tash e 16 vite e që ende nuk u pajisen me dokumente të identifikimit.
Gjithashtu u arrit dakordim që së bashku drejtoria dhe zyra për Preshevë Buajanoc, Medvegjë të bëjnë presion në institucionet relevante për ndryshim-plotësimin e ligjit për shtetësi e i cili ligj është aspak i favorshëm për banorët e dëbuar nga Presheva,Bujanoci dhe Medvegja. /2L ONLINE/