Ligjëratë me nxënësit e shkollës teknike për pasojat që sjell pirja e duhanit

/2L ONLINE/ – Me iniciativën e Njazi Lutfiu, drejtorit te Shkollës së Mesme Profesionale “Jonuz Zejnullahu” në Viti, si dhe ne koordinim me Drejtorin e Arsimit, QKMF-në dhe Qendrën për Punë Sociale, në Viti është mbajtur ligjëratë me temën “Duhani dhe pasojat e tij ne shëndet” .
Me këtë rast, para nxënësve të kësaj shkolle, kanë ligjëruar Shqipe Rexhepi nga Drejtoria Komunale e Arsimit, dr.Vjollca Kadolli- Halili nga QKMF dhe Heset Ukshini nga Qendra për Punë Sociale.

Gjatë kësaj ligjërate, nxënësit janë njohur me dëmet që shkaktohen nga pirja e duhanit si në shëndet, po ashtu edhe në aftësitë psikofizike të njeriut në përgjithësi.

Gjithashtu, nxënësit kanë pasur rastin që të parashtrojnë edhe pyetje për atë që u intereson lidhur me temën. /2L ONLINE/