/2L ONLINE/ – Në një eveniment të organizuar nga Liga Regjionale e Futbollit të Vogël (RPZH-Gjilan) u ndanë qmimet për ekipet fituese në Ligën e Juniorëve, Ligën e Dytë dhe në Superligë.
Në fjalën e tij Kryetari i Ligës Regjionale Mensur Morina tha se ndjehet i lumtur për përfundimin në menyrë kaq madhështore të sezonit të Parë të Ligës Regjionale (RPZH) Gjilan, ku falënderoi ekipet pjesëmarrëse, sponsorin gjeneral “Kompaninë e ujit DEA”, mediat si dhe të gjithë të pranishmit.
Ai tha se Liga Regjionale (RPZH) Gjilan si pjesë të organizimit të saj numëron 34 ekipe në Superligë dhe në Ligën e Dytë si dhe 12 ekipe në Ligën e Juniorëve, të cilat u përballën mes veti për të marrë vendin e fituesit të Ligës.
Në Superligë pas 19 gjirove titullin Kampion e mori “K.F. ABIMARKET” me 17 fitore, 1 barazim dhe 1 humbje, e përcjellur në vend të dytë nga “K.F LLASHTICA”dhe në vend të tretë “K.F ARBERIA 06”, të cilave edhe i’u dha shpërblimi i premtuar nga Kryesia e Ligës Regjionale.
Në Ligën e Dytë pas 15 gjirove kryesues doli “K.F VELEKINCA” me 13 fitore dhe 2 barazime duke e fituar titullin vetëm në bazë të golave të shenuar më shumë nga vendi i dytë, ku me pikë të barabarta gjendej “K.F Italia e Vogël” dhe në vend të trete është “K.F Shkendija”, këto tri ekipe përveq shpërblimeve që morën, sezonin tjetër do të jenë pjesë e Superligës.
Po ashtu edhe në Ligën e Juniorëve u ndanë shpërblimet ku fitues i titullit doli ekipi“ K.F PERLEPNICA TRANS “ me 11 fitore dhe 1 barazim, e ndjekur nga vendi i dytë “K.F LLASHTICA” dhe nga vendi i tretë “K.F TRIMAT”, po ashtu fitues i Kupës së Ligës Junior ishte “K.F PERLEPNICA TRANS”.
Mirënjohje të veçantë u ndanë edhe për referët e Liges Regjionale, mediat të cilat ndihmuan në promovimin e Ligës e po ashtue dhe për Sponzorin Gjeneral të Ligës, Kompaninë e Ujit “DEA”.
Në fjalën e tij përfaqësuesi i saj Alban Shala tha se ndjehet i lumtur për mbarëvajtjen e Ligës në sezonin e parë e po ashtu përmendi që ata janë gjithmonë në ndihmë të sportit.
“Ne gjithmonë kemi përkrahur sportin e Komunës së Gjilanit, do të vazhdojmë ta bëjmë këtë edhe në të ardhmen e sidomos aty ku është e përfshirë me të madhe rinia”theksoi Shala.
Në fund mirënjohje u ndanë edhe për lojtarët më të mirë në secilën Ligë ku “Lojtari më i mirë në Superligë” u zgjodh Armand Sadiku nga (K.F ABI MARKET), “Lojtari më i mirë në Ligën e Dytë” Ermir Kryeziu nga (K.F ITALIA e VOGËL) si dhe “Lojtari më i mirë në Ligën e Juniorëve” Lavdrit Mehmeti nga (K.F PERLEPNICA TRANS).
Liga Regjionale do të vazhdojë sezonin e ardhshëm nga fillimi i muajit maj. /2L ONLINE/