(2L ONLINE) – Mesjava ishte sërish festë për dashamirët e futbollit, pasi Liga “Agim Ramadani” zhvilloi ndeshjet çerekfinale të Kupës. Pas katër dueleve, mësuam katër skuadrat që morrën “biletën” për në gjysmëfinale. Skuadrat The Livigin Room, Dobërqani, MobiCasa dhe Djemt e Qytetit do të luftojnë deri në fund për të arritur trofeun e Kupës.
The Living Room me mjaft sukses por më vështirë seç pritej ka mposhtur Eurolloton, mirëpo mjaftueshëm për të kaluar në rundin tjetër, që e afron edhe më shumë drejt finales së madhe. Djemt e Qytetit skuadra me të cilën do të përballet Living Room në gjysmëfinale, ka arritur të eleminojë Las Vegasin pas një paraqitje fantastike të zhvilluar nga kaltër e bardhët.
Dobërqani dhe Katana kanë zhvilluar njërën ndër ndeshjet më të interesante të kësaj faze. Ajo u shoqërua nga një numër i madh shikuesish të cilën patën se çfarë të shohin. Koha e rregullt përfundoi me rezultat baraz (3:3), ndërkohë pas ekzekutimit të penaltive, futbollistët e Dobërqanit ia dolën të triumfonin duke marrë kështu rrugën për në gjysmëfinale. Rrugën për në gjysmëfinale e morri edhe MobiCasa skuadra me të cilën do të përballet Dobërqani në gjysmëfinale, pasi mposhtën Verbicën me rezultat bindës, në njërën ndër ndeshjet më të mira të zhvilluara të kësaj skuadra.
/Drilon SYLEJMANI/ 2L ONLINE/
