Lidhja Rajonale e Futbollit e Gjilanit e uron Dritën për titullin kampion

Lidhja Rajonale e Futbollit e Gjilanit uron FC Drita për shpalljen kampion në Albi Mall Superligën e Kosovës.

Në urim tutje thuhet:

Ky sukses i madh është rezultat i punës, përkushtimit, profesionalizmit dhe vazhdimësisë së treguar gjatë gjithë sezonit. Ky titull nuk është vetëm krenari për klubin, por edhe për qytetin e Gjilanit dhe futbollin e rajonit tonë.

Urime futbollistëve, stafit teknik, drejtuesve të klubit dhe tifozëve “Intelektualët” për kontributin dhe mbështetjen e vazhdueshme.

I urojmë FC Dritës shumë suksese në sfidat e ardhshme dhe paraqitje dinjitoze në arenën ndërkombëtare.